O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Fan va ta'lim
Ayrim yo`nalishlar bo`yicha institutlarda o`qish muddati qisqartiriladi

Oliy ta`lim muassasalarida ta`lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta`minlash bo`yicha qo`shimcha chora-tadbirlar to`g`risidagiPrezident qarori qabul qilindi.

Qarorning asosiy jihatlari quyidagilardan iborat.

Alohida ta`lim yo`nalishlari bo`yicha o`qish muddati kamida uch yil bo`lgan bakalavriat hamda kamida bir yil bo`lgan magistratura joriy etiladi. Ya`ni ayrim yo`nalishlarda o`qish muddati qisqarmoqda. Ushbu yo`nalishlar qarorda ko`rsatilmagan, demak ushbu yo`nalishlar alohida hujjatlar bilan belgilab beriladi.

Masalan, 2018 yil 13 apreldagi Prezident qaroriga asosan 2020/2021-o`quv yilidan boshlab yuridik kollejlar bitiruvchilari Yuridik universitetga bakalavrlarni tayyorlashning maxsus uch yillik dasturi bo`yicha kirishga haqli ekanligi belgilangan.

Yana bir yangilik, oliy ta`lim muassasalari (institut, universitet, akademiya va h.k.) bakalavriatiga qabul qilish kvotalaridan tashqari xorijiy fuqarolarni suhbat asosida test sinovlarisiz o`qishga qabul qilish mumkin. Bu oliy ta`lim muassasasini moddiy-texnik bazasini mustahkamlashga yordam beradi.

Oliy ta`lim muassasalarida (institut, universitet, akademiya va h.k.) talabalar bilimini nazorat qilish va baholash tizimi qaytadan ko`rib chiqiladi. Unda asosiy e`tibor muayyan fandan dars bergan pedagogning yakuniy nazorat jarayonlaridagi ishtirok etmasligiga qaratiladi. Ya`ni, dars bergan pedagog talaba bilimini baholay olmaydi. Baholashni boshqa pedagog amalga oshiradi. Bu haqda tegishli nizom ishlab chiqilib, tasdiqlanadi.

Talabaning o`zlashtirish darajasi – professor-o`qituvchilar faoliyatini baholashning asosiy mezoniga aylanadi. Ya`ni, o`qitgan talabalari belgilangan imtihonlardan o`ta olmaydigan professor-o`qituvchilar bilan mehnat shartnomasini bekor qilishgacha bo`lgan choralar ko`riladi. Bu haqda ham alohida hujjat ishlab chiqilishi kerak.

Oliy ta`lim muassasalarining (institut, universitet, akademiya va h.k.) professor-o`qituvchilarini ularning vazifalari va faoliyat yo`nalishlari bilan bog`liq bo`lmagan yig`ilishlarga va boshqa tadbirlarga jalb etish taqiqlandi. Rahbarlar mazkur talabni buzganligi uchun egallab turgan lavozimidan ozod etishgacha bo`lgan shaxsiy javobgarligi to`g`risida qat`iy ogohlantirilmoqda.

Oliy ta`lim muassasalari (institut, universitet, akademiya va h.k.) da jamoatchilik kengashlari tashkil etiladi.

Oliy ta`lim muassasalari (institut, universitet, akademiya va h.k.) ga o`qituvchilikka ishga qabul qilishda yangicha tartib o`rnatildi.

Endilikda ishga qabul qilish, tegishli kafedraning kengaytirilgan ochiq majlisida pedagog kadrlar va jamoatchilik kengashining a`zolari ishtirokida sinov darsi o`tkazish natijalari bo`yicha amalga oshiriladi.

Kirish imtihonlaridagi test savollarini tayyorlash uslublarini takomillashtirish bo`yicha tadbirlar belgilandi.

Xususan, ilg`or xalqaro imtihon tizimlari (TOEFL, IELTS, CEFR, SAT General, SAT Subject va hokazo) sertifikatlariga ega bo`lgan abiturientlarga tegishli fanlardan belgilangan eng yuqori ball beriladi. Ya`ni, kimdir kirish imtihonida IELTSning tegishli sertifikatini topshirsa unga masalan, ingliz tili bo`yicha olish mumkin bo`lgan maksimal ball avtomat ravishda beriladi. Bu haqda ham tegishli qaror qabul qilinishi lozim.

Ma`naviy-ma`rifiy ishlar bo`yicha prorektor lavozimi o`rniga yoshlar bilan ishlash bo`yicha prorektor lavozimi joriy etildi. Ularning faoliyatini muvofiqlashtirish bilan Prezidenti devonining Yoshlar siyosati masalalari xizmati shug`ullanadi.

Rektorlar faoliyati bo`yicha oliy ta`lim vaziri, tarkibida oliy o`quv yurti mavjud vazirlik idora rahbari Vazirlar Mahkamasiga har yili hisobot berib boradi. Hisobot natijasiga ko`ra tegishli rektorning lavozimga loyiqligi yoki noloyiqligi masalasi ko`rib chiqiladi.

Har bir oliy ta`lim muassasasida yangi g`oya va tashabbuslarni shakllantirish maqsadida “Yosh ekspertlar guruhi”ni tashkil etiladi.

Kafedralar uchun kadrlar tayyorlash tizimi bo`yicha ham o`zgarishlar bo`ladi. Xususan, har bir oliy ta`lim muassasasida 1-kurs davomida saralab olingan eng iqtidorli talabalar uchun alohida guruhlar tashkil etiladi (mazkur guruhlardagi talabalar soni institut tomonidan belgilanadi), 2-kursdan ular alohida o`qitiladi va magistraturaga maqsadli qabul qilinadi. Aynan mana shu yo`l bilan oliy ta`lim muassasalari kafedralari uchun malakali kadrlar tayyorlash tizimini joriy etish bo`yicha tadbirlar amalga oshiriladi. Bu bo`yicha tegishli takliflar Vazirlar Mahkamasiga kiritilishi lozim.

Yosh olim va talabalarga hamda tashabbuskor fuqarolarga mamlakatda innovasion g`oya va texnologiyalarni rivojlantirishga qo`shgan munosib hissasi uchun topshiriladigan “Innovasion g`oyalar etakchisi” ko`krak nishoni ta`sis etildi. U kimga va qaysi xizmatlari uchun topshirilishi alohida qaror bilan belgilanadi.

Oliy va o`rta maxsus ta`lim vazirligi va oliy ta`lim muassasalari faoliyati ochiqligini ta`minlash maqsadida matbuot bilan ishlovchialohida shtat birliklari tashkil etildi.

Yana bir muhim yangilik, abiturientlar hujjatlarini o`qishga kirish uchun elektron shaklda topshirish imkonini beradigan tizim yaratiladi. Ya`ni o`qishga kirish uchun hujjatlarni Toshkentga yoki viloyat markaziga kelib topshirish shart bo`lmaydi. Bu bo`yicha tegishli chora-tadbirlar dasturi 2019 yil 1 yanvargacha Vazirlar Mahkamasiga kiritilishi lozim.

Ma`lumot uchun: bu yildan boshlab Yuridik universitetga hujjatlarni topshirish uchun Toshkentga kelish shart emas. Hujjatlarni abiturient yashab turgan joydagi Davlat xizmatlari markazi orqali ham topshirsa bo`ladi.
Mavzuga oid yangiliklar
Putin tashrifi doirasida "Rektorlar forumi" o'tkaziladi
Rossiya Federatsiyasi prezidenti Vladimir Putinning O'zbekistonga tashrifi doirasida biznes sohasida 20 mlrd dollar atrofidagi bitim va shartnomalar imzolanishi kutilmoqda. Bu haqda hukumat vakili ma`lum qildi.  Ta`kidlanishicha ...
15.10.2018 / 14:49
Prezident akademiyasining Samarqanddagi filialida o`qish boshlandi
Samarqand davlat universitetida 8 oktyabr kuni O`zbekiston Respublikasi Prezidenti huzuridagi Davlat boshqaruvi akademiyasining hududiy filiali ish boshladi, deb xabar bermoqda O`zA. – Bu erda Samarqand ...
09.10.2018 / 09:38
Koreya Respublikasining Puchon universiteti rektori​ Toshkentga keldi
Oliy va o`rta maxsus ta`lim vaziri Inom Majidov Koreya Respublikasining Puchon universiteti rektori Xang Jung Suk boshchiligidagi delegasiya a`zolari bilan malakali kadrlar tayyorlash bo`yicha hamkorlikni yanada rivojlantirish, o ...
03.10.2018 / 09:46
O`zbekistonda eng kam ish haqi bilan birga OTMlar to`lov-kontraktlari ham oshadi
O`zbekistonda 2018/2019-o`quv yilidan boshlab ilk marotaba OTMlarda to`lov-kontraktlar eng kam ish haqi miqdoriga bog`lab qo`yilgan. Bu esa eng kam ish haqi oshsa, kontrakt ham xuddi shuncha foizga oshishini anglatadi, deya ma`lum qiladi  ...
15.10.2018 / 14:46
OTMlarda kontrakt pulini to`lash muddati uzaytirildi
O`zbekiston Respublikasi ta`lim muassasalariga o`qishga qabul qilish bo`yicha Davlat komissiyasining 2018 yil 5 oktyabrdagi 11-sonli bayoni bilan respublika oliy ta`lim muassasalarida kontraktni to`lash muddatlari uzaytirildi. Bu haqda Oliy va o ...
08.10.2018 / 08:53
“Bolalar kitobi” respublika festivali: Fotoreportaj
Fargʻonada “Sogʻlom va maʼnaviy yetuk avlod – yurt kelajagi” shiori ostida “Bolalar kitobi” respublika anʼanaviy festivali boʻlib oʻtdi.          Muqimjon Qodirov (surat), OʻzA
27.09.2018 / 09:19