O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

O'zbekiston obidalaridagi bitiklar loyihasi haqida film
O'zbekiston obidalaridagi bitiklar loyihasi haqida film
20 06 2017 Tadbirkorlardan savol 43 son
20 06 2017 Tadbirkorlardan savol 43 son
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Madaniyat
Ўзбекистон театрлари йилига 10 мингдан ортиқ спектакль намойиш этади

Бугун Бутунжаҳон  театр куни. Бу сана  Ўзбекистон   театрларида ҳам кенг нишонланмоқда.  «Маънавият  ва санъат  соҳиблари»  орасида  Ўзбек Миллий академик драма театри,  Алишер  Навоий номидаги  Давлат академик опера ва балет катта театри, Ўзбекистон академик  рус  драма театри, Тошкент  мусиқали комедия(оперетта) театри, Муқимий  номидаги  ўзбек  давлат  мусиқали театри, “Илҳом” театри, Республика ёш томошабинлар театрини мамлакатимиздаги энг йирик санъат масканлари сифатида тилга олиш мумкин.  Республикамизнинг  вилоятлари марказларида ҳам  йирик театрлар фаолият  олиб боради.  

Давлат томонидан  берилаётган ёрдам,  томошабинларнинг меҳри  ва эътиборига  театрлар ходимлари  ижодий, қизиқарли  асарлари  билан  жавоб қайтармоқдалар.   Жумладан, 2016 йили  10 мингдан ортиқ  спектакль  намойиш  этилди, уларнинг катта қисми  ёшларни  турли зарарли  одатлардан,  салбий иллатлар  ва ғоялардан асраб-авайлашга , миллий  ва умуминсоний қадриятларни тарғиб қилишга  қаратилган.

Ммалакатимиз театрларида  шу  билан бирга   доимий равишда  Софокл, Шекспир, Мольер, О.Уайльд, А.Стринберг, Ж.Кокто, Э.Ионеско, Дж.Стейнбек, Ф.Дюрренматт каби  дунё  классиклари ва  замонавий  драматурглар  асарлари ҳам   саҳналаштириб келинмоқда. 

Қайд этиш лозимки, ўзбек  театрлари  чет элларга ижодий  сафар қилиб  муваффақият қозониб келмоқда. Фақат сўнгги йилларнинг ўзида “Илҳом” театри, Фарғона вилояти театри, “Хаёл” болалар театр-студияси, қўғирчоқ  театри , “Мулоқот” театр-студияси ва бошқа труппалар   Германия, Франция, Словакия, Ҳиндистон, Польша, Италия, Бельгия, АҚШдаги турли  фестивалларда  қатнашдилар.   Чет эл  театрлари ҳам мамлакатимизга ижодий сафарлар билан ташриф  буюради. Масалан, Британия  театри  ниқобларда  пантомима намойиш  этди, французлар  моно-спектакллар билан келдилар. Бундан ташқари  Германия театри спектакли , АҚШ, Италия, Швейцария мусиқачиларининг симфоник  концертлари  бўлиб ўтди.  

Театр санъати ҳақида сўз борганда, профессионал театр таълими тизими  ҳақида гапирмаслик  мумкин эмас.  Хусусан,  Тошкентда   актерлик маҳорати, режиссура, санъатшунослик, театршунослик, овоз  режиссураси   мутахассислари, операторлар тайёрлайдиган  Ўзбекистон Давлат санъат ва маданият институти  фаолият олиб боради.    80 йилдан ортиқ  вақтдан бери  юқори малакали  опера  хонандалари  тайёрлаб келаётган Ўзбекистон  Давлат консерваториясининг ҳам  ўз бой  анъаналари бор.  Шу билан  бирга  мамлакатнинг ҳар  бир вилоятида  санъат  билим юртлари, ўрта бўғин ўқув муассасалари  кадрлар тайёрламоқда.   

Шундай қилиб, Ўзбекистонда  ижодий зиёлилар учун  яратилган  қулай шароит ва кенг  имкониятлар уларни янги  ижодий муваффақиятларга илҳомлантиради.  Шу туфайли  театрлар  томошабинларни  дунё ва  миллий  классика дурдоналари билан таништирувчи,  вақт  ва  инсон табиати тўғрисида фикрлашга ундовчи, ёшларни  энг олий инсоний қадриятлар руҳида тарбияловчи  маданият  ўчоғига айланмоқда. Бу ўз навбатида  мамлакат аҳолисининг  маънавиятини бойитиш, шунингдек, халқимиз  санъатини дунёга  таратишга  хизмат қилади.  

Mavzuga oid yangiliklar
Prezident O'zbekistondagi Islom madaniyati markazini tashkil etish haqidagi qarorni imzoladi
23 iyun kuni Prezident «O'zbekiston Respublikasi Vazirlar Mahkamasi huzurida O'zbekistondagi Islom madaniyati markazini tashkil etish chora-tadbirlari to'g'risida»gi qarorni imzoladi. Hujjat matni O'zA tomonidan keltirilgan. ...
24.06.2017 / 09:19
Toshkentda milliy filmlarni professional baholash Interaktiv munozara klubi tashkil etildi
“O`zbekkino” Milliy agentligi va Kinematografiyani rivojlantirish markazining 2017 yil 19 iyundagi Qo`shma qaroriga asosan Kinoloyihalar va kino mahsulotlarni (filmlarni ...
21.06.2017 / 16:39
«U» filmi Kipr xalqaro kinofestivalida ishtirok etadi
O‘zbekistonlik yosh kinorejissyor Muxlisa Azizova suratga olgan qisqa metrajli film xalqaro kinofestival dasturiga kiritildi. 14−24 iyun kunlari Kiprning tarixiy Pafos shahrida bo‘lib o‘tadigan 12 ...
10.06.2017 / 16:22
Marg'ilonda Erkin Vohidov haykali o'rnatiladi
O'zbekiston Prezidenti Shavkat Mirziyoyevning 2016 yil 7 dekabrdagi «O'zbekiston xalq shoiri Erkin Vohidov tavalludining 80 yilligini nishonlash to'g'risida»gi qarori ijrosi doirasida o ...
23.06.2017 / 12:48
I.Savitskiy nomidagi Qoraqalpog‘iston Davlat san’at muzeyi eksponatlari O‘zbekistonga qaytdi
Joriy yilning 9, 11, 14 iyun kunlari, "O‘zbekiston havo yo‘llari” milliy aviakompaniyasi Moskva-Nukus yo‘nalishi bo‘yicha maxsus reyslarni amalga oshirdi. "I.Savitskiy nomidagi Qoraqalpog‘iston Davlat san ...
17.06.2017 / 10:58
Toshkentda Bobur nomidagi markaziy eko bog‘ ochildi
Poytaxtdagi eski hayvonot bog‘i o‘rnida 10-iyun, shanba kuni Bobur nomidagi Toshkent markaziy eko bog‘i ochildi. Bu haqda “Gazeta.uz” xabar bermoqda. Bog‘ hududi 12 gektardan iborat ...
10.06.2017 / 15:03