O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

20 06 2017 Tadbirkorlardan savol 43 son
20 06 2017 Tadbirkorlardan savol 43 son
O'zbekiston online 08 06 2017 18 00
O'zbekiston online 08 06 2017 18 00
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Akmal Saidov: O‘zEOAVMA muvaffaqiyatli loyihalar tashabbuskori

2017 yilning 14 iyun kuni O‘zbekiston Respublikasi Oliy Majlisi huzuridagi nodavlat notijorat tashkilotlar va fuqarolik jamiyatining boshqa institutlarini qo‘llab-quvvatlash Jamoat fondi yig‘ilishi bo‘lib o‘tdi.
Yig‘ilish kun tartibidan O‘zbekiston elektron ommaviy axborot vositalari milliy assotsiatsiyasi, O‘zbekiston Juranlistlari ijodiy uyushmasi, Fuqarolik jamiyati shakllanishini monitoring qilish mustaqil instituti tomonidan 2016 yil va 2017 yilning birinchi choragida davlat subsidiyasi doirasida amalga oshirilgan ishlar yuzasidan hisobotlar tinglandi.
O‘zEOAVMA nomidan hisobotni Boshqaruv raisi, Parlament komissiyasi a'zosi F.Abduxoliqov o‘qib eshittirdi. Hisobotga ko‘ra, 
O‘zbekiston elektron ommaviy axborot vositalari milliy assotsiatsiyasi 2016 yilda o‘z faoliyatini Nodavlat teleradiouzatuvchilarning 2016 yilga mo‘ljallangan rivojlanish dasturi doirasida tashkil etdi.
Unga ko‘ra, hisobot davrida Assotsiatsiya ma’muriyati tomonidan jami 21 ta loyiha faoliyati muvofiqlashtirildi: 8 ta ijtimoiy media-loyiha, 4 ta ma’muriy loyiha, 3 ta xalqaro o‘quv loyihasi, 3 ta texnik modernizatsiya qilish loyihasi, 2 ta teleradiostansiyalarni qo‘llab-quvvatlash loyihasi.
Ushbu loyihalarni amalga oshirishdan ko‘zlangan asosiy maqsadlar:
- O‘zEOAVMAga a’zo hududiy teleradiostansiyalarga huquqiy-maslahat ko‘magini ko‘rsatish, OAV faoliyatiga oid qonun hujjatlarini ishlab chiqish jarayonlarida ishtirok etish va bu jarayonda nodavlat teleradiouzatuvchilar manfaatlarini himoya qilish; 
- Nodavlat teleradiostansiyalar efir dasturlarini ijtimoiy, informatsion, madaniy-ma’rifiy, musiqiy, kinovideo va boshqa mavzudagi media-kontent bilan boyitish;
- O‘zEOAVMAga a’zo nodavlat teleradiouzatuvchilar ijodiy va texnik xodimlarining professional mahoratini oshirish;
- Nodavlat teleradiouzatuvchilarning moddiy-texnik bazasini mustahkamlash, zamonaviy uskunalar bilan ta’minlash;
- Nodavlat teleradiostansiyalar xodimlarini moddiy rag‘batlantirish, qo‘llab-quvvatlash, festivallar, ko‘rik-tanlovlar o‘tkazish.
Assotsiatsiya o‘tgan yilda yuqorida ko‘rsatib o‘tilgan yo‘nalishlardagi chora-tadbirlarni amalga oshirish uchun Oliy Majlis huzuridagi Jamoat fondi hamda Parlament komissiyasi, Fuqarolik jamiyati shakllanishini monitoring qilish mustaqil instituti, O‘zbekiston Jurnalistlari ijodiy uyushmasi, “Kamolot” yoshlar ijtimoiy harakati kabi mahalliy va YuNESKO, Yevropada xavfsizlik va hamkorlik tashkiloti, Konrad Adenauer jamg‘armalarining O‘zbekistondagi vaklatxonalari kabi xalqaro tashkilotlar bilan hamkorlik qildi. 
2016 yilda Nodavlat teleradiouzatuvchilarning 2016 yilga mo‘ljallangan Rivojlanish dasturidan o‘rin olgan loyihalarni amalga oshirish jarayonlarini muvofiqlashtirish, ularning faoliyatini tashkil etish va amalga oshirish uchun O‘zEOAVMA Parlament komissiyasi tomonidan ajratilgan subsidiya mablag‘i bilan moliyaviy qo‘llab-quvvatlandi. 
Parlament komissiyasi raisi A.Saidov O‘zEOAVMAning faoliyatiga quyidagicha baho berdi:
- Barcha davlat subsidiyasini oluvchi tashkilotlar Assotsiatsiyadan o‘rnak olishi kerak, deb o‘ylayman. Ayniqsa, ular tomonidan tashkil etilayotgan tadbirlarni alohida ta’kidlab o‘tish kerak bo‘ladi. Mana hozir o‘qib eshittirilgan hisobot, namoyish etilgan taqdimot hamda tarqatilgan hisobot materiallaridan ko‘rishimiz mumkinki, 2016 yil va 2017 yilning birinchi choragi Assotsiatsiya uchun samarali bo‘lgan. Shu o‘rinda e’tiboringizni ikki jihatga alohida qaratmoqchiman:
Birinchidan, O‘zEOAVMA tashabbusi bilan 2016 yilning dekabr oyida O‘zbekiston Respublikasi Prezidenti saylovi munosabati bilan tashkil etilgan “Press klub: Saylov-2016” matbuot klubi faoliyati nafaqat mamlakatimizda, balki xalqaro doirada ham ijobiy baholandi. 
Ikkinchidan, Assotsiatsiya tomonidan milliy jurnalistikani yosh kadrlar bilan ta’minlash borasida ulkan ishlar amalga oshirilmoqda. Chunki alohida loyiha doirasida har yili loyihaga jurnalistikaga qiziquvchan yoshlar jalb etilib, ularga sohaga oid bilim va ko‘nikmalar berib boriladi. Mahalliy hamda xorijiy mutaxassislar ishtirokida seimnar-trening, master-klasslar o‘tkaziladi. 
Yana bir jihatga alohida to‘xtalib o‘tmoqchimanki, O‘zEOAVMA har doim subsidiya doirasida amalga oshirilgan ishlar yuzasidan ham tahliliy hamda moliyaviy hisobotlarni o‘z vaqtida topshiradi. Mana bugun taqdim etilgan O‘zbekiston Respublikasi Prezidenti Farmon, Qaror va Farmoyishlari to‘plami ham Assotsiatsiyaning o‘ziga xos tashabbuslaridan biri. Garchi bu nodavlat teleradiostansiyalar uchun xizmatda foydalanish uchun chop etilgan bo‘lsa-da, bu kabi to‘plamning har birimizning ish stolimiz ustida turishi kerak deb hisoblayman. 
Bir so‘z bilan aytishim mumkin, O‘zEOAVMA doim muvaffaqiyatli loyihalar tashabbuskori hisoblanadi. 

Mavzuga oid yangiliklar
“O`zbekiston obidalaridagi bitiklar” loyihasining 250 ta to`plami milliy va jahon kutubxonalariga taqdim etildi (FOTOREPORTAJ)
23 iyun kuni O`zbekiston elektron ommaviy axborot vositalari milliy assosiasiyasi, “Taraqqiyot strategiyasi” markazi, O`zbekiston Respublikasi Fanlar akademiyasi, O`zRFA huzuridagi Sharqshunoslik instituti, “YuNESKOning O ...
23.06.2017 / 15:22
My5 telekanali ijodkorlaridan yangi mega-loyiha – “Muzqaymoq” (Treyler)
My5 telekanali ijodkorlari yoz mavsumi uchun yangidan-yangi loyihalar tayyorlashmoqda. Ana shunday mega-loyihalardan biri “Muzqaymoq” ko`rsatuvidir. Ushbu ko ...
05.06.2017 / 09:43
O‘zEOAVMAda fuqarolik jamiyati bo‘yicha taniqli ekspert Lester Salamon bilan uchrashuv bo‘lib o‘tdi
O‘zbekiston elektron ommaviy axborot vositalari milliy assotsiatsiyasida Jons Xopkins universitetining(AQSh) Fuqarolik jamiyati tadqiqotlari markazi rahbari Lester Salamon bilan uchrashuv bo‘lib o‘tdi.  ...
24.03.2017 / 16:59
Nodavlat elektron OAV nigohida turizm sohasi
14 iyun kuni O‘zbekiston elektron ommaviy axborot vositalari milliy assotsiatsiyasi hamda YuNESKOning O‘zbekistondagi vakolatxonasi bilan hamkorlikda ijodiy guruhlar uchun seminar-trening boshlandi ...
14.06.2017 / 18:50
O‘zEOAVMAda navbatdagi seminar boshlandi
27 mart kuni Toshkentdagi “Bunyodkor” telemajmuasida Vengriyaning Markaziy Yevropa universiteti qoshidagi mediamarkaz direktori Marius Dragomir rahbarligida interfaol amaliy seminar-trening ish boshladi ...
27.03.2017 / 15:12
Elektron ommaviy axborot vositalari jurnalistlari uchun tanlov e’lon qilindi
O‘zbekiston elektron ommaviy axborot vositalari milliy assotsiatsiyasi O‘zbekiston Jurnalistlari ijodiy uyushmasi bilan hamkorlikda o‘tkazadigan Navro‘z umumxalq bayramiga bag‘ishlangan “NAVRO‘Z &ndash ...
20.03.2017 / 17:48