O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Iqtisodiyot
Prezident qarori: O'zbekiston xalqaro moliya institutlari bilan hamkorlikni yanada mustahkamlaydi

O'zbekiston Respublikasi Prezidenti «O'zbekiston Respublikasining BMT va uning tuzilmalari, xalqaro moliya institutlari va boshqa tashkilotlar bilan hamkorligini yanada mustahkamlash va rivojlantirish chora-tadbirlari to'g'risida»gi qarorni imzoladi. Hujjat matni davlat rahbari saytida keltirilgan.

O'zbekiston Respublikasi rasmiy delegatsiyasining Amerika Qo'shma Shtatlariga 2017 yil 18-20 sentabr kunlari amalga oshirilgan tashrifi nafaqat mamlakatning ijtimoiy-siyosiy hayotida muhim voqea bo'ldi, balki Birlashgan Millatlar Tashkiloti va uning ixtisoslashgan muassasalari, xalqaro moliya institutlari hamda qator xorijiy davlatlar bilan o'zaro manfaatli hamkorlikni rivojlantirish uchun mustahkam poydevor yaratdi.

BMT Bosh Assambleyasining 72-sessiyasida qatnashish, shuningdek, BMT Bosh kotibi va BMTning Inson huquqlari bo'yicha Oliy komissari bilan o'tkazilgan uchrashuvlar xalqaro hamjamiyatni O'zbekistonning yangi rivojlanish strategiyasi va jamiyat, iqtisodiyot hamda tashqi siyosat bo'yicha yaqinda erishilgan keng ko'lamli islohotlari, mintaqaviy xavfsizlik va barqaror rivojlanishning dolzarb muammolarini hal qilish uchun aniq takliflari hamda tashabbuslari haqida xabardor etish imkonini berdi.

AQSh hukumati va ishbilarmon doiralari vakillari bilan o'tkazilgan muvaffaqiyatli muzokaralar va uchrashuvlar o'zbek-amerika munosabatlarini strategik sheriklik ruhida yanada mustahkamlash hamda kengaytirish uchun yangi istiqbollarni belgilashga imkon berdi.

Xalqaro valyuta jamg'armasi va Jahon banki rahbariyati bilan muzokaralarda ushbu xalqaro moliya institutlari bilan O'zbekiston hamkorligining istiqbolli yo'nalishlari, iqtisodiyotni modernizatsiya qilish va erkinlashtirishni, biznes hamda investitsiya muhitini yaxshilashni ta`minlashga qaratilgan ustuvor qo'shma loyihalarni amalga oshirish bo'yicha atroflicha fikr almashildi. Bolgariya prezidenti R.Radev va Gruziya bosh vaziri B.Kvirikashvili bilan BMT Bosh Assambleyasining 72-sessiyasi maydonlarida o'tkazilgan ikki tomonlama uchrashuvlar bu mamlakatlar bilan siyosiy, savdo-iqtisodiy va madaniy aloqalarni rivojlantirish uchun yangi imkoniyat hamda istiqbollari belgilab berdi. 

O'zbekiston Respublikasining Birlashgan Millatlar Tashkiloti va uning tuzilmalari bilan munosabatlarini yanada mustahkamlash, xalqaro moliya institutlari bilan aloqalarni kengaytirish, Amerika Qo'shma Shtatlari va boshqa mamlakatlar bilan ko'p qirrali hamkorlikni rivojlantirish, qabul qilingan xalqaro majburiyatlarni qat`iy bajarish, Nyu-Yorkka tashrif davomida erishilgan kelishuvlarni o'z vaqtida va sifatli amalga oshirish maqsadida: BMT Bosh Assambleyasining 72-sessiyasida bildirilgan O'zbekiston Respublikasi tashabbuslarini ilgari surish va BMTning Inson huquqlari bo'yicha Oliy komissari bilan muzokaralar yakuni bo'yicha erishilgan kelishuvlarni amalga oshirish bo'yicha amaliy chora-tadbirlar rejasi («Yo'l xaritasi»), va uni amalga oshirish bo'yicha Muvofiqlashtiruvchi guruh tarkibi №1, 1a  ilovalarga muvofiq;

Jahon banki va Xalqaro valyuta jamg'armasi rahbarlari bilan muzokaralar yakuni bo'yicha erishilgan kelishuvlarni o'z vaqtida va to'liq amalga oshirishni ta`minlash bo'yicha amaliy chora-tadbirlar rejasi («Yo'l xaritasi»), va uni amalga oshirish bo'yicha Muvofiqlashtirish guruhining tarkibi №2, 2a ilovalariga muvofiq;

O'zbekiston Respublikasining Amerika Qo'shma Shtatlari bilan davlatlararo hamkorlikni yanada rivojlantirish va Nyu-Yorkdagi O'zbekiston-Amerika biznes forumi natijalari bo'yicha erishilgan kelishuvlarni amalga oshirish bo'yicha amaliy chora-tadbirlar rejasi («Yo'l xaritasi»), va uni amalga oshirish uchun Muvofiqlashtiruvchi guruhning tarkibi №3, 3a ilovalariga muvofiq tasdiqlandi.

Hujjat bilan O'zbekiston Respublikasi rasmiy delegatsiyasining BMT Bosh Assambleyasi 72-sessiyasidagi ishtiroki doirasida erishilgan kelishuvlarni o'z vaqtida va so'zsiz bajarilishini nazorat qilish, hamda amaliy tadbirlarning («Yo'l xaritalari») tasdiqlangan rejalari bo'yicha Maxsus komissiya №4 ilovaga muvofiq tashkil etiladi.

O'zbekiston bosh vaziri A.Aripov boshchiligidagi Maxsus komissiyaga:

BMT va uning tuzilmalari, xalqaro moliya institutlari hamda boshqa xorijiy sheriklar bilan hamkorlikni yanada mustahkamlash va rivojlantirish bo'yicha erishilgan kelishuvlarni amalga oshirish bilan bog'liq masalalarni samarali muvofiqlashtirish, shuningdek, ular bilan muntazam hamda samarali hamkorlikni, jumladan hamkorlik bo'yicha hukumatlararo komissiyalar va boshqa ikki tomonlama maslahat mexanizmlari doirasida tashkil etish;

ushbu qarorning 5-ilovasiga muvofiq, № 1-3-ilovalarda ko'rsatilgan tadbirlar va loyihalarni o'z vaqtida hamda sifatli bajarish ustidan doimiy nazorat hamda tizimli monitoringni tashkil etish;

vazirliklar, idoralar va boshqa tashkilotlar rahbarlari, bosh vazir o'rinbosarlari - mas`ul ijrochilarning, shuningdek, ushbu qaror bilan tasdiqlangan «Yo'l xaritalari»ni so'zsiz bajarish bo'yicha qabul qilingan amaliy choralar bo'yicha muvofiqlashtiruvchi guruhlar hisobotlarini muntazam tinglash;

mas`ul vazirliklar, idoralar va xo'jalik birlashmalari rahbarlari, bosh vazir o'rinbosarlari, muvofiqlashtiruvchi guruhlar rahbarlari, Maxsus komissiya tomonidan tasdiqlangan amaliy tadbirlar («Yo'l xaritalari»)ning bajarilishini batafsil ko'rib chiqish uchun O'zbekiston Respublikasi Prezidenti tomonidan har oyning 5-dan 10-kunigacha bo'lgan davr mobaynida shaxsiy hisobotlari tinglanishini tashkil etish vazifalari topshirildi.

Shuningdek, Muvofiqlashtiruvchi guruhlar rahbarlari (A.Komilov, A.Saidov; G.Saidova, B.Xodjayev, T.Ishmetov; E.G'aniyev, A.Axmedxadjayev) vazirliklar va idoralar bilan birgalikda:

o'n kun ichida - ushbu Farmonning № 1-3-ilovalariga kiritilgan loyihalar va tadbirlarni amalga oshirish uchun tarmoq jadvallarini ishlab chiqish hamda ularni Maxsus komissiyaga tasdiqlash uchun kiritadilar;

har oyda, 3-sanagacha - tasdiqlangan amaldagi tadbirlar rejalarini («Yo'l xaritalari») amalga oshirishning samaradorligi to'g'risida umumiy ma`lumotni Maxsus komissiyaga taqdim etadilar.

Shuningdek, qaror bilan O'zbekiston Prezidentining Davlat maslahatchisi X.Sultonovga Tashqi ishlar vazirligi (A.Komilov), Oliy va o'rta maxsus ta`lim vazirligi (I.Majidov), Axborot texnologiyalari va kommunikatsiyalarini rivojlantirish bo'yicha vazirlik (Sh.Shermatov), Sog'liqni saqlash vazirligi (A.Shodmonov ), O'zbekiston Yoshlar ittifoqi (K.Quronboyev) va boshqa manfaatdor vazirlik hamda idoralar bilan bir oylik muddatda AQShda yashayotgan vatandoshlarning salohiyati, tajribasi hamda bilimlarini qo'shma istiqbolli loyihalarni amalga oshirishga jalb etish bo'yicha Harakatlar rejasi («Yo'l xaritasi»)ni ishlab chiqish va tasdiqlatish uchun kiritish vazifasi topshirildi.

O'zbekiston Respublikasi Vazirlar Mahkamasiga (A.Aripov) bir hafta muddatda Bolgariya Respublikasi prezidenti R.Radev va Gruziya bosh vaziri B.Kvirikashvili bilan uchrashuvda erishilgan kelishuvlarni amalga oshirishni ta`minlash bo'yicha amaliy chora-tadbirlar bo'yicha rejalarni ishlab chiqish hamda Vazirlar Mahkamasi Prezidiumi bayonnoma qarori bilan tasdiqlash vazifasi yuklatildi.

Mazkur qarorning bajarilishini nazorat qilish O'zbekiston Respublikasi bosh vaziri A.Aripov, O'zbekiston Respublikasi Prezidenti huzuridagi Xavfsizlik Kengashining kotibi V.Mahmudov va maslahatchi - O'zbekiston Respublikasi Prezidenti Ijro apparati rahbari Z.Nizomiddinov zimmasiga yuklandi.

Mavzuga oid yangiliklar
Arzon uy-joylar uchun dastlabki to‘lov summasi kamaytirildi
2018 yilda qishloq joylarda yangilangan namunaviy loyihalar bo‘yicha arzon uy-joylar va shaharlarda arzon ko‘p kvartirali uylar qurish dasturlarini amalga oshirish mexanizmlarini takomillashtirishga doir qo‘shimcha chora ...
19.07.2018 / 09:49
Jahon banki delegatsiyasi O‘zbekistonga tashrif buyurdi
2018 yilning 12 iyul kuni Toshkent shahriga Jahon bankining Yevropa va Markaziy Osiyo bo‘yicha vitse-prezidenti Siril Muller boshchiligidagi delegatsiya keldi. Bu haqda TIV matbuot xizmati xabar berdi.Tashrif dasturidan O&lsquo ...
12.07.2018 / 18:11
Ishchi guruh yoshlar bazasini shakllantirmoqda
«Yoshlar –kelajagimiz» Davlat dasturi ijrosini ta`minlash maqsadida O`zbekiston yoshlar ittifoqi tashabbusi bilan Respublika bo`ylab shtab va ishchi guruhlar faoliyati yo`lga qo`yilgan ...
12.07.2018 / 18:06
Jahon banki vitse-prezidenti O'zbekistonda amalga oshiriladigan loyihalar haqida ma`lumot berdi
Jahon bankining Yevropa va Markaziy Osiyo hududi bo'yicha vitse-prezidenti Siril Myuller O'zbekiston Respublikasi prezidenti matbuot xizmatiga intervyu berdi. Unda dunyoning nufuzli moliyaviy tashkiloti bilan O'zbekiston o ...
16.07.2018 / 08:31
O‘zbekistonda yagona investitsiya portali yaratiladi
Yaqin vaqt ichida O‘zbekistonda Yagona investitsiya portali yaratiladi va unda investorlar uchun kerakli bo‘lgan barcha ma’lumotlar joylashtiriladi. Natijada ular o‘z yurtlaridan turib ham O&lsquo ...
12.07.2018 / 18:11
O`zbekistonlik xotin-qizlarning ixtirolari halqaro ko`rgazmada yuqori baholandi
Janubiy Koreyada XI Koreya Xalqaro ixtirochi ayollar ko`rgazmasi (KIWIE 2018) bo`lib o`tdi. Koreya ixtirochi ayollari assosiasiyasi (KWIA), Koreya intellektual mulk ofici (KIPO) va Xalqaro intellektual mulk tashkiloti (WIPO ...
11.07.2018 / 10:53