O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

IJTIMOIY TELERADIOROLIKLAR IX MILLIY FESTIVALI
IJTIMOIY TELERADIOROLIKLAR IX MILLIY FESTIVALI
Телеканал "НТВ" о передаче в дар Узбекистану копий бесценных рукописей
Телеканал "НТВ" о передаче в дар Узбекистану копий бесценных рукописей
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Fan va ta'lim
Fan va ishlab chiqarish integratsiyasi muhokama qilindi

Navoiyda “Zarafshon vohasini kompleks innovatsion rivojlantirish: yutuqlar, muammolar, istiqbollar” mavzusida xalqaro konferensiya bo‘lib o‘tdi. 

O‘zbekiston Respublikasi Fanlar akademiyasi, Oliy va o‘rta maxsus ta’lim vazirligi, Qishloq va suv xo‘jaligi vazirligi, Navoiy kon-metallurgiya kombinati, Navoiy davlat konchilik instituti hamda qator oliy o‘quv yurtlari hamkorligida tashkil etilgan anjumanda O‘zbekiston, AQSh, Janubiy Koreya, Yaponiya, Xitoy, Germaniya, Buyuk Britaniya, Fransiya, Italiya, Avstriya kabi 20 ga yaqin mamlakatdan taniqli olimlar, yetakchi kompaniya va ishlab chiqarish korxonalari mutasaddilari, mutaxassislar ishtirok etdi. 


5 (1).JPG


Davlatimiz rahbarining taklifi va tashabbusi bilan Navoiy davlat konchilik institutida fan va ta’lim integratsiyasini rivojlantirish maqsadida mazkur xalqaro konferensiya o‘tkazilishi hamda O‘zbekiston Respublikasi Fanlar akademiyasi Navoiy bo‘limining tashkil etilishi ilm-fan sohasi taraqqiyotiga qaratilayotgan e’tibor samarasidir. 

Mamlakatimizda aniqlangan yer osti resurslari zaxirasining asosiy qismi Zarafshon vohasi hissasiga to‘g‘ri keladi. Masalan, oltin, uran, volfram, fosfor kabi foydali qazilmalar Qizilqum kengliklari qa’ridan olinadi. Bunday tabiiy boyliklardan oqilona foydalanish, ularni qayta ishlashda istiqbolli loyihalarni amaliyotga keng joriy etish muhim ahamiyatga ega. Ayni maqsadda tashkil etilgan xalqaro konferensiyada jahonning nufuzli ilmiy-tadqiqot markazlari, oliy ta’lim muassasalari olimlarining vohada konchilik sanoati istiqboliga bag‘ishlangan 154 ilmiy maqolasi muhokama etildi. 

– Har bir davlatning milliy iqtisodiga ulkan hissa qo‘shadigan muayyan hududlar bo‘ladi, – deydi O‘zFA Navoiy bo‘limi raisi A.Mirzayev. – Qizilqum mintaqasi, aynan Zarafshon vohasida mamlakatimiz yer osti zaxirasining asosiy qismi – Mendeleyev jadvalidagi kimyoviy elementlarning aksariyati mavjud. Shu bois, hududda sanoatni jadal rivojlantirish, innovatsion ishlanmalarni amaliyotda keng qo‘llash, mintaqa muammolarini hal etishda fan, ishlab chiqarish va ta’lim integratsiyasini mustahkamlash muhim ahamiyatga ega. Konferensiyaga nufuzli olimlarning voha sanoati rivoji va istiqboli, mavjud muammolarni bartaraf etishga qaratilgan ilmiy izlanishlari saralab olindi. 


2 (2).JPG

Bugungi kunda Zarafshon vohasida dolzarb masalalardan biri sanoat korxonalari tomonidan atmosferaga chiqindi gazlari chiqarilishidir. Mazkur muammo bo‘yicha Navoiy davlat konchilik instituti talabalari ham ilmiy-tadqiqot olib bormoqda. 

Yo‘nalishlar bo‘yicha besh seksiyaga bo‘lingan holda davom etgan konferensiyada xorijlik olim va mutaxassislarning ilmiy ma’ruzalari tinglanib, institut magistrantlari tomonidan vohaga oid muammolar yechimiga bag‘ishlangan ishlanmalar taqdimoti o‘tkazildi. 

Xalqaro anjumanda konchilik sanoatida zamonaviy hamda samarali usullardan foydalanish, o‘zlashtirilgan loyihalarni bosqichma-bosqich rivojlantirish va modernizatsiya qilish borasidagi izlanishlar haqida fikr almashildi. Geotexnologiya va mineral xomashyoni qayta ishlash, nanotexnologiya va kimyoviy texnologiya, mashinasozlik, asbob-uskunalar ishlab chiqarish va avtomatlashtirish, muqobil energiya manbalari, qishloq xo‘jaligi va ekologiya yo‘nalishlarida 20 dan ortiq shartnomalar imzolandi.

O'zA

Mavzuga oid yangiliklar
Nufuzli musobaqalar g'oliblari bo'lgan o'quvchilarni taqdirlash to'g'risidagi nizomga qo'shimchalar kiritildi
O'zbekiston Respublikasi Vazirlar Mahkamasining “Xalqaro va respublika olimpiadalari, tanlovlari, musobaqalari g'oliblari bo'lgan akademik litseylar, kasb-hunar kollejlari va umumta`lim maktablari o'quvchilarini taqdirlash tartibi to'g ...
08.11.2017 / 16:38
Samarqandda xalq o'qituvchisiga ehtirom ko'rsatildi
O'zbekiston Respublikasi Prezidentining «O'qituvchi va murabbiylar kuni munosabati bilan ta`lim-tarbiya tizimida alohida o'rnak ko'rsatgan xodimlardan bir guruhini mukofotlash to'g'risida» ...
29.09.2017 / 11:31
Nodavlat ta’limni takomillashtirish bo‘yicha qaror qabul qilindi
15-sentabr kuni Prezidentning “Nodavlat ta’lim xizmatlari ko‘rsatish faoliyatini yanada rivojlantirish chora-tadbirlari to‘g‘risida”gi qarori qabul qilindi. Hujjat matni O‘zAda keltirildi. Unga ko ...
16.09.2017 / 10:29
Mirziyoyev tashrif buyurgan Uchtepa tumanidagi maktab kapital ta`mirdan chiqarildi
oshkent shahrining Uchtepa tumanidagi 78-umumta`lim maktabining kapital ta`mirlashdan keyingi ochilish marosimi bo'lib o'tdi. Bu haqda Xalq ta`limi vazirligi matbuot xizmati xabar bergan. Tadbirda Xalq ta`limi vazirligi rahbariyati ...
25.10.2017 / 11:07
Muhammad al-Xorazmiy nomidagi ixtisoslashtirilgan maktabga o‘quvchilar 5-sinfdan qabul qilinadi
14-sentabr kuni O‘zbekiston Respublikasi Prezidentining “Muhammad al-Xorazmiy nomidagi axborot-kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktabni tashkil etish to ...
16.09.2017 / 10:32
14-16 sentyabr kunlari "Bolalar kitobi" III respublika festivali o‘tkaziladi
Poytaxtimizda 14-16 sentyabr kunlari O‘zbekiston matbuot va axborot agentligi tomonidan qator tashkilotlar bilan hamkorlikda "Bolalar kitobi" III respublika festivali tashkil etiladi. Festival nafaqat Toshkent shahrida, balki Qoraqalpog ...
12.09.2017 / 09:33