O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Shavkat Mirziyoyev sport sohasi bo'yicha yig'ilish o'tkazdi

O'zbekiston Respublikasi prezidenti Shavkat Mirziyoyev raisligida 31 oktabr kuni jismoniy tarbiya va sport sohasida boshqarish tizimini takomillashtirish, ommaviy sportni rivojlantirish, iqtidorli sportchilarni tanlash va tarbiyalash, sohani malakali kadrlar bilan mustahkamlash hamda zamonaviy sport inshootlarini barpo etish masalalariga bag'ishlangan yig'ilish o'tkazildi. Bu haqda O'zA xabar bermoqda.

Unda O'zbekiston Respublikasi bosh vaziri, prezidentning davlat maslahatchisi, tegishli vazirlik va qo'mitalar rahbarlari ishtirok etdi. 

Yig'ilishda sport sohasi uchun malakali kadrlar va murabbiylar tayyorlash masalalariga alohida e`tibor qaratildi. 

O'zbekiston davlat jismoniy tarbiya instituti faoliyatini yanada takomillashtirish, o'quv jarayoniga yangi innovatsion texnologiyalarni joriy qilish, ilmiy izlanishlar uchun maxsus laboratoriyalar tashkil etish bo'yicha topshiriqlar berildi. Jismoniy tarbiya institutini zamonaviy sport ta`lim muassasasiga aylantirish, o'quv dasturlarini zamonaviy ilm-fan yutuqlari asosida tashkil etish bo'yicha 2018-2020 yillarga mo'ljallangan dastur tuzish zarurligi ta`kidlandi. 

Prezidentning shu yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi qarori sohadagi yana bir muhim hujjat bo'ldi. Ushbu qaror bilan O'zbekiston Respublikasida jismoniy tarbiya va ommaviy sportni yanada rivojlantirish dasturi qabul qilindi. Dasturda 2017-2021 yillarda jismoniy tarbiya va ommaviy sportni yanada rivojlantirish uchun 995,2 milliard so'mdan ziyod mablag' sarflanishi, sport maktablarining moddiy-texnik bazasini mustahkamlash maqsadida 167 ta sport inshooti, jumladan, 90 ta sport majmuasi va 77 ta suzish havzasini qurish, rekonstruksiya qilish, kapital ta`mirlash, jihozlash va qayta jihozlash nazarda tutilgan. 

Dastur doirasida joriy yilda 153 ta bolalar maydonchasi ta`mirlangan, 232 ta zamonaviy maydoncha, Nukus shahrida sportning olimpiya va milliy turlariga ixtisoslashtirilgan sport majmuasi foydalanishga topshirilgan. 

Yig'ilishda bu borada yo'l qo'yilgan kamchiliklar ham ko'rsatib o'tildi. Xususan, Bolalar sportini rivojlantirish jamg'armasi mablag'lari hisobidan 39 ta sport inshootini qurish va rekonstruksiya qilish ishlari jadvaldan ortda qolgani, suzish havzalarini zamonaviy anjomlar bilan jihozlash kechiktirilgani tanqid qilindi. Bu kamchiliklarni bartaraf etish, yil oxirigacha qurilish ishlarini yakunlash bo'yicha topshiriqlar berildi. Sport majmualaridan foydalanish samaradorligini oshirish, yoshlarni ularga yanada keng jalb etish zarurligi qayd etildi. 

Sport maktablari, respublika oliy sport mahorati maktablari hamda sport federatsiyalarining iqtidorli yoshlarni kashf etish borasidagi hamkorligi, seleksiya ishlari talab darajasida yo'lga qo'yilmagani tanqid qilindi. Bu borada aniq shaffof mexanizm yaratish va barcha hududlarni qamrab olish bo'yicha ko'rsatmalar berildi. 

Mamlakat sportchilarini nufuzli xalqaro musobaqalar, jumladan, bo'lg'usi Olimpiya va Paralimpiya o'yinlariga puxta tayyorlash masalalari ham muhokama qilindi. 

Yig'ilishda xalqaro musobaqalarda qo'lga kiritilayotgan medallar faqat boks, dzyudo, og'ir atletika va sport kurashlari bilan chegaralanib qolayotgani tanqid ostiga olindi. Gimnastika, trampolin, yengil atletika, taekvondo, baydarka va kanoeda eshkak eshish, velosport kabi boshqa salohiyatli sport turlari bo'yicha ham ko'proq yutuqlarga erishish yuzasidan aniq choralar belgilab berildi. Xalqaro sport federatsiyalari bilan hamkorlikni mustahkamlash zarurligi ta`kidlandi.

Yig'ilishda Jismoniy tarbiya va sport davlat qo'mitasi faoliyatining quyi bo'g'inlari ishini kuchaytirish, aholi barcha qatlamlarini sport bilan shug'ullanishga jalb qilish, sohada xususiy sektorni rivojlantirish va boshqa dolzarb masalalarga ham e`tibor qaratildi. 

Tegishli qo'mita va mutasaddilar oldidagi vazifalar belgilab berildi. 

Mavzuga oid yangiliklar
Oʻsmirlar Olimpiadasi-2018. Oʻzbekistonlik uch nafar bokschi final yoʻllanmasi uchun ringga chiqadi
Argentina poytaxti Buenos-Ayres shahrida III yozgi oʻsmirlar Olimpiya oʻyinlari davom etmoqda. Boks boʻyicha bahslarda ishtirok etayotgan oʻzbekistonlik uch nafar charm qoʻlqop ustasi bugun final yoʻllanmasi uchun jang oʻtkazadi. ...
16.10.2018 / 10:14
Kumushxon Fayzullaeva: «Vatanim uchun oltin medal taqdim eta olganimdan xursandman»
Og`ir atletikachi Kumushxon Fayzullaeva -63 kg vazn toifasida eng yaxshi natijani ko`rsatib, oltin medalga sazovor bo`ldi. Albatta, medal uchun kurash oson kechgani yo`q. Hamyurtimiz shohsupaga ko`tarilgach, madhiya vaqtida ko ...
15.10.2018 / 09:55
Paraosiyo oʻyinlari: Oʻzbekiston terma jamoasining medallari soni 31taga yetdi
Indoneziya poytaxti Jakarta shahrida III Paraosiyo oʻyinlari davom etmoqda. Kecha, 9-oktyabrda musobaqa doirasida uchinchi kun bahslari boʻlib oʻtdi. Quvonarlisi, bellashuvlarda ishtirok etgan sportchilarimiz 10ta medalni qoʻlga kiritishdi ...
10.10.2018 / 09:02
Ektor Kuper: «Terma jamoada hech kimga joy kafolatlanmagan»
16 oktabr kuni O'zbekiston termasi jamoasi Toshkentda Qatar termasini qabul qiladi. Bugun, 15 oktabr kuni ushbu o'rtoqlik uchrashuvidan oldingi matbuot anjumani bo'lib o'tdi. Anjumanning birinchi qismida O ...
15.10.2018 / 14:48
O'smirlar Olimpiadasi. Beshinchi kunda beshinchi medal
Buenos-Ayresda o'smirlar o'rtasidagi Olimpiya o'yinlari davom etmoqda. Musobaqaning beshinchi kunida O'zbekiston delegatsiyasi 5-medalni qo'lga kiritdi. Musobaqada og'ir atletika bo'yicha O'zbekiston terma jamoasi o ...
12.10.2018 / 10:40
Alisher Uzoqov futbol klubi PR direktori bo`ldi
7 oktyabr kuni Namanganda «Navbahor» klubi tizimida bir qator o`zgarishlar ro`y berdi. Jumladan, o`zgarishlarga bag`ishlab o`tkazilayotgan tadbirda jamoaning yangi PR-direktori ommaga tanishtirildi. Unga ko`ra, «Navbahor ...
08.10.2018 / 08:53