O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Texnologiya
Toshkentda mobil aloqa xizmatlari sifatini yaxshilash masalalari muhokama qilindi

4-may kuni Axborot texnologiyalari va kommunikatsiyalarini rivojlantirish vaziri Azim Ahmadxo‘jayev mobil aloqa operatorlari va internet-provayderlari bilan davra suhbati o‘tkazdi. Tadbirda aloqa, axborotlashtirish va telekommunikatsiya xizmatlari sifatini yaxshilash masalalari muhokama etildi. Bu haqda vazirlik axborot xizmati xabar bermoqda.

Davra suhbatida davlat rahbari tomonidan joriy yilda internet tezligini 8—10 barobarga oshirish vazifa etib topshirilgani alohida ta’kidlandi. Mazkur vazifaning ijrosini ta’minlash uchun qonunchilikni takomillashtirishdan tortib sohaga yirik investitsiyalarni jalb etishgacha bo‘lgan kompleks masalalarni hal etish lozim. Ayni paytda litsenziyalashtirish, ruxsatnomalar berish va boshqa ko‘plab jarayonlarni soddalashtirish ustida keng ko‘lamli ishlar olib borilmoqda.

Ta’kidlanishicha, aloqa sifati ustidan shikoyatlar borgan sari o‘sib bormoqda. Birgina 2018-yilning dastlabki choragida ana shunday murojaatlar soni 1,5 mingdan oshib ketdi. Statistik tahlillar murojaatlarning aksariyati quyidagi sohalarga oid bo‘layotganini ko‘rsatmoqda: internet xizmatlari — 349 ta murojaat (22 %), turg‘un aloqa — 272 ta murojaat (17 %), mobil aloqa — 275 ta murojaat (17 %), pochta aloqasi — 153 ta murojaat (10 %) va teleradiodasturlar — 77 ta murojaat (5 %).

Shu yilning 7-mart kuni O‘zbekiston Respublikas Vazirlar Mahkamasining “Aloqa, axborotlashtirish va telekommunikatsiya xizmatlari sifatini yanada yaxshilashga doir chora-tadbirlar to‘g‘risida”gi qarori qabul qilindi. Ushbu qaror bilan, shu jumladan, “Qonunchilik va boshqa normativ hujjatlar, davlat standartlari talablari hamda aloqa, axborotlashtirish va telekommunikatsiya texnologiyalari sohasida ko‘rsatilayotgan xizmatlar sifati buzilganligi uchun moliyaviy sanksiyalar (jarimalar)ni hisoblash tartibi to‘g‘risida”gi nizom ham tasdiqlandi va u 2018-yil 1-iyundan boshlab kuchga kiradi.

Nizom Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi tomonidan UNICON.UZ Davlat unitar korxonasi bilan birgalikda ishlab chiqilgan bo‘lib, u telekommunikatsiyalar sohasida xizmatlar ko‘rsatish bo‘yicha normativ hujjatlar talablarini buzganlik uchun moliyaviy sanksiyalar (jarimalar) qo‘llash va davlat nazorati tizimini takomillashtirish, telekommunikatsiya tarmoqlarining ishonchli barqaror, uzluksiz ishlab turishi imkonini beradi. Shuningdek, aloqa, axborotlashtirish va telekommunikatsiya texnologiyalari sohasida xizmatlarni o‘z vaqtida va sifatli taqdim etish borasida iste’molchilar huquqlari himoyasini ta’minlaydi.

Mavzkur nizom mulkchilik shakli va idoraviy mansubligidan qat’i nazar aloqa, axborotlashtirish va telekommunikatsiya texnologiyalari sohasida faoliyat ko‘rsatayotgan xo‘jalik yurituvchi subyektlarga tarqatiladi.

Davra suhbati davomida operatorlarga aloqa bozoridagi muammolarni kun tartibiga kiritish, mobil aloqa operatorlari va internet-provayderlar faoliyatida uchraydigan byurokratik to‘siqlar haqida so‘zlab berish imkoniyati taqdim etildi.

Xuddi shunday uchrashuvlarni doimiy ravishda o‘tkazish kelishib olindi.

 

Mavzuga oid yangiliklar
"O`zbektelekom": shaharlararo aloqa uchun yagona tarif tizimi yo`lga qo`yildi
"O`zbektelekom" aksiyadorlik kompaniyasi rasmiy saytida shaharlararo aloqa uchun yagona tarif tizimi yo`lga qo`yilganligi e`lon qilinadi. Ushbu xabarda ma`lum qilinishicha, “O`zbektelekom&rdquo ...
12.10.2018 / 10:36
Irakliy Kashibadze: «O‘zbek xalqi juda tadbirkor, ishbilarmon»
«ICTWEEK 2018» AKT haftaligi doirasida «Elektron hukumat» tizimini rivojlantirish markazida gruziyalik ekspert va maslahatchi Irakliy Kashibadze ishtirokida seminar bo‘lib o‘tdi. Bu haqda markaz matbuot xizmati ...
28.09.2018 / 10:14
Oʻzbekiston axborot-kommunikatsiya texnologiyalari haftaligi boshlandi
24-29 sentyabr kunlari Toshkent va Jizzax shaharlarida Oʻzbekiston axborot-kommunikatsiya texnologiyalari haftaligi - “ICTWEEK Uzbekistan-2018” oʻtkazilishi haqida xabar bergan edik ...
25.09.2018 / 13:24
OʻZuPACK-OʻZBEKinPRINT tarmoqning asosiy trendlarini taqdim etadi
Joriy yilning 3-5 oktyabr kunlari Oʻzbekiston Respublikasi Tashqi savdo vazirligi, Oʻzbekiston Matbuot va axborot agentligi, Oʻzbekiston Respublikasi Savdo-sanoat palatasi tomonidan “Oʻzekspomarkaz” milliy ko ...
02.10.2018 / 10:06
Axborot texnologiyalari sohasidagi zamonaviy tendensiyalar muhokama qilindi
“ICTWEEK Uzbekistan – 2018” axborot-kommunikatsiya texnologiyalari haftaligi doirasida “Oʻzekspomarkaz”da ilk bor “DIGITAL UZBEKISTAN” forumi tashkil etildi.  ...
27.09.2018 / 09:18
Matbuot va axborot agentligi yagona interaktiv axborot tizimini yo'lga qo'ymoqda
O'zbekiston Matbuot va axborot agentligi tomonidan nashriyot va matbaa korxonalarining faoliyatini muvofiqlashtirish maqsadida yagona interaktiv axborot tizimini yo'lga qo'yish bo'yicha loyiha amalga oshirilmoqda. ...
24.09.2018 / 16:33