O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Oq uyda O‘zbekiston Prezidenti Shavkat Mirziyoyev tantanali kutib olindi
Vashington, 16-may. O‘zA maxsus muxbiri Abu Bakr O‘ROZOV xabar qiladi.


Avval xabar qilinganidek, O‘zbekiston Respublikasi Prezidenti Shavkat Mirziyoyev Amerika Qo‘shma Shtatlari Prezidenti Donald Trampning taklifiga binoan rafiqasi bilan 2018-yil 15-may kuni ilk rasmiy tashrif bilan Vashingtonga keldi. 

Tashrifning asosiy tadbirlari 16-may kuni Amerika Qo‘shma Shtatlari Prezidentining rasmiy qarorgohida bo‘lib o‘tdi. 

Oq uyda O‘zbekiston Respublikasi Prezidenti Shavkat Mirziyoyevni Amerika Qo‘shma Shtatlari Prezidenti Donald Tramp kutib oldi. 

Ma’lumki, O‘zbekiston Respublikasi va Amerika Qo‘shma Shtatlari o‘rtasida diplomatik munosabatlar o‘rnatilganiga 25 yil bo‘ldi. O‘tgan davrda O‘zbekiston va AQSH o‘rtasida aloqalar turli sohalarda jadal rivojlanib, so‘ng yillarda Prezidentlar ikki marta - 2017-yil may oyida Saudiya Arabistonining Ar-Riyod shahrida o‘tgan arab-musulmon mamlakatlari va AQSH sammiti va 2017-yilning sentyabr oyida BMT Bosh assambleiyasining 72-sessiyasi doirasida uchrashib, mamlakatlarimiz o‘rtasidagi mavjud aloqalar va istiqboldagi rejalar xususida suhbatlashgan edi. Shuningdek, 2017-yilda O‘zbekiston va AQSH rahbarlarining telefon orqali muloqoti bo‘lib o‘tdi. 

Muloqotlarda davlat rahbarlari dolzarb xalqaro va mintaqaviy muammolar yuzasidan fikr almashdilar. Mintaqaviy xavfsizlikni ta’minlash, Afg‘onistondagi vaziyatni barqarorlashtirish, xalqaro terrorizm, ekstremizm va radikalizmga qarshi kurash masalalariga alohida e’tibor qaratildi. 

AQSH Prezidenti O‘zbekistonning mintaqa mamlakatlari bilan yaxshi qo‘shnilik munosabatlarini rivojlantirish va kooperatsiyani faollashtirishga qaratilgan, Markaziy Osiyoda tinchlik va barqarorlikni mustahkamlashga xizmat qiladigan ochiq va konstruktiv tashqi siyosati va faol sa’y-harakatlarini har doim qo‘llab-quvvatlab kelgan. 

O‘zbekiston bilan Amerikaning strategik sheriklik munosabatlarini yanada rivojlantirish, ayniqsa, mintaqaviy va xalqaro tinchlik va barqarorlikni ta’minlash borasidagi dolzarb masalalar bo‘yicha ikki davlat rahbarlarining yondashuvlari mushtarakligi mamlakatlarimiz o‘rtasidagi keng qamrovli munosabatlarni izchil rivojlantirish uchun mustahkam asos bo‘lib xizmat qilmoqda. 

O‘tgan vaqt davomida O‘zbekiston va AQSH davlatlari o‘zaro anglashuv, hurmat va ikki tomonlama manfaatdorlik tamoyillariga asoslangan strategik sheriklik ruhidagi munosabatlarni rivojlantirish yo‘lida muhim qadamlarni qo‘ydi. 

Ikki tomonlama hamkorlikni kengaytirishning istiqbolli rejalarini birgalikda ko‘rib chiqish maqsadida Prezident Donald Tramp O‘zbekiston rahbariga AQSHga rasmiy tashrif bilan kelishni taklif qildi. 

O‘zbekiston Prezidenti tomonidan qabul qilingan bu taklif oliy darajadagi muloqotlarning yangi davrini boshlab berdi. 

Tashrifning birinchi kuni ikki davlat rahbarlarining tor doiradagi uchrashuvlari bilan boshlandi. 

Amerika Qo‘shma Shtatlari Prezidenti Donald Tramp O‘zbekiston Respublikasi Prezidenti Shavkat Mirziyoyevga AQSHga kelish taklifini qabul qilgani uchun minnatdorlik bildirib, ikki mamlakat o‘rtasidagi siyosiy, savdo-iqtisodiy va madaniy gumanitar sohalarda aloqalarni yanada rivojlantirish, mintaqaviy xavfsizlik va barqarorlik sohasidagi umumiy maqsadlarni amalga oshirishda birgalikda ishlashdan mamnun ekanligini qayd etdi. 

- Amerika Qo‘shma Shtatlari O‘zbekiston Respublikasi va uning qo‘shni davlatlari suvereniteti, mustaqilligi va hududiy yaxlitligini, shuningdek, Sizning Markaziy Osiyoni yanada taraqqiy ettirish va o‘zaro hamjihatligini mustahkamlashga yo‘naltirilgan sa’y-harakatlaringizni qo‘llab-quvvatlaydi, -dedi Donald Tramp. 

Donald Tramp O‘zbekiston Prezidentining mintaqaviy yondashuvga doir tashabbusini qo‘llab-quvvatlashi, iqtisodiyot, jumladan, Afg‘oniston bilan savdo aloqalarini rivojlantirishini qayd etdi. 

O‘z navbatida Shavkat Mirziyoyev O‘zbekiston delegatsiyasiga ko‘rsatilgan yuksak ehtirom uchun minnatdorlik bildirdi. 

- O‘tgan davrda o‘zaro do‘stlik va sheriklik munosabatlarida mustahkam poydevor yaratildi. 2017-yilda bo‘lgan uchrashuv va telefon muloqotida muhokama etilgan masalalarni bugun maromiga yetkazishva yangi,ko‘p qirrali hamkorligimizni jadal rivojlantirishda yangi qadam bo‘ladideb o‘ylayman, - dedi Shavkat Mirziyoyev. - O‘zbekiston va AQSHdagi Prezident saylovlaridan keyin mamlakatlarimiz munosabatlari yangi bosqichga ko‘tarildi. Bugun qabul qilinadigan “O‘zbekiston va Amerika Qo‘shma Shtatlari: strategik sheriklik yangi davrining boshlanishi” nomli Qo‘shma bayonot o‘z nomi va mohiyati bilan ko‘p narsani anglatadi. Tomonlarning uzoq kelajakka mo‘ljallangan intilishlaridan dalolat beradi. 

Davlatimiz rahbari mamlakatimiz tashqi siyosatining fundamental prinsip va konseptual asoslari o‘zgarmasdan qolishini alohida ta’kidladi. O‘zbekiston Respublikasi Amerika Qo‘shma Shtatlari bilan an’anaviy munosabatlarni saqlash, har tomonlama hamkorlikni izchil mustahkamlash va rivojlantirishning qat’iy tarafdoridir. 

Prezidentimizning AQSHga rasmiy tashrifi tafsilotlari jahonning eng nufuzliommaviy axborot vositalarida keng yoritilmoqda. 

O‘zbekiston Respublikasi Prezidenti Shavkat Mirziyoyevning Amerika Qo‘shma Shtatlariga rasmiy tashrifi davom etmoqda. 

Mavzuga oid yangiliklar
XXR Raisi Shavkat Mirziyoyevga minnatdorlik maktubi yo‘lladi
Xitoy Xalq Respublikasi Raisi Si Szinpin O‘zbekiston Respublikasi Prezidenti Shavkat Mirziyoyevga maktub yo‘lladi. Maktub matni «O‘zA»da e’lon qilindi. O‘zbekiston Respublikasi Prezidenti  ...
23.10.2018 / 14:21
Shavkat Mirziyoyev Amerika–O`zbekiston savdo palatasi delegasiyasini qabul qildi
O`zbekiston Respublikasi Prezidenti Shavkat Mirziyoyev 22 oktyabr kuni O`zbekistonda AQSh biznesi haftaligi tadbirlarida ishtirok etish uchun mamlakatimizga kelgan Amerika – O ...
23.10.2018 / 14:18
Shavkat Mirziyoyev kimyo sanoatini rivojlantirish bo`yicha topshiriqlar berdi
O`zbekiston Prezidenti Shavkat Mirziyoev 16 oktyabr kuni kimyo sanoatini jadal rivojlantirish, tarmoqqa xorijiy investisiya va zamonaviy texnologiyalarni jalb qilish masalalari bo`yicha yig`ilish o`tkazdi. Yig ...
17.10.2018 / 10:18
Shavkat Mirziyoyev Hindiston rahbariyati va xalqiga hamdardlik bildirdi
O`zbekiston Respublikasi prezidenti Shavkat Mirziyoyev Hindiston Respublikasi prezidenti Ram Nath Kovindga, bosh vaziri Narendra Modiga va do`st Hindiston xalqiga Panjob shtatining Amritsar shahrida yuz bergan temir yo`l fojiasi oqibatida ko ...
23.10.2018 / 14:20
Ertaga Vladimir Putin O`zbekistonga davlat tashrifi bilan keladi
O`zbekiston Respublikasi Prezidenti Shavkat Mirziyoyevning taklifiga binoan joriy yil 18 oktyabr kuni Rossiya Federasiyasi Prezidenti Vladimir Putin davlat tashrifi bilan mamlakatimizga keladi. Bu haqda Prezidentning matbuot xizmati xabar berdi ...
17.10.2018 / 10:18
Putin tashrifini 200 dan ortiq jurnalist yoritadi
Xabar qilinganidek, Oʻzbekiston Respublikasi Prezidenti Shavkat Mirziyoyevning taklifiga binoan joriy yil 18 oktyabr kuni Rossiya Federatsiyasi Prezidenti Vladimir Putin davlat tashrifi bilan mamlakatimizga keladi. ...
17.10.2018 / 10:10