O'ZBEKISTON ELEKTRON OMMAVIY
AXBOROT VOSITALARI MILLIY
ASSOTSIATSIYASI
Журнал
Почтага кириш
 

"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
"O‘zbekiston madaniy merosi – xalqlar va mamlakatlar o‘rtasida muloqotga yo‘q” II xalqaro kongressi anonsi
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
“Buxoro ipak va tillasi: Buxoro amirlari elchilari sovg‘alari RFA Antropolgiya va etnografiya muzeyi to‘plamlarida”
O'zbekiston-online ITOGI  (UZB) 08.02.2017
O'zbekiston-online ITOGI (UZB) 08.02.2017
MUHOKAMA UCHUN HUJJATLAR
Madaniyat
Selim Kondu: “Buyuk o‘zbek shoiri Erkin Vohidov “Tarixingdir ming asrlar. Ichra pinhon, o‘zbegim”, deganida naqadar haq edi”

Sankt-Peterburgda O‘zbekiston madaniy merosiga bag‘ishlangan anjuman ko‘tarinki ruhda o‘tmoqda.

Avval xabar qilinganidek, Rossiyaning Sankt-Peterburg shahrida “O‘zbekiston madaniy merosi – xalqlar va mamlakatlar o‘rtasida muloqotga yo‘l” Ikkinchi xalqaro kongressi bo‘lib o‘tmoqda. 7-iyun Rossiya Fanlar akademiyasining Maksim Gorkiy nomidagi Olimlar uyida anjumanning tantanali ochilishi bo‘lib o‘tdi. 

Ikkinchi xalqaro kongress O‘zbekiston Elektron ommaviy axborot vositalari Milliy assotsiatsiyasi, O‘zbekiston Respublikasi Madaniyat vazirligi, bir qator davlat, jamoat va xalqaro tashkilotlar bilan hamkorlikda o‘tkazilmoqda. 

Kun davomida “Madaniy merosni saqlash, o‘rganish va ommalashtirishning dolzarb yo‘llari umumjahon muammosi sifatida: O‘zbekiston tajribasi”, “Buyuk ipak yo‘li markazida Sharq va G‘arb madaniy an’analarining o‘zaro ta’siri”, “Insonparvar va ma’rifiy Islom O‘zbekiston madaniy merosida”, “Amaliy bezakli san’at: turmush, e’tiqod va go‘zallik uyg‘unligi”, “Movarounnahr kitobat san’ati” singari yo‘nalishlar bo‘yicha O‘zbekiston va dunyo olimlarining qiziqarli, rang-barang ma’ruzalari tinglandi.

 

Ma’ruzachilar o‘z chiqishlarida dunyoning turli hududlarida saqlanayotgan o‘zbek madaniyatining bebaho durdonalari, ularning tarixi, o‘rganilishi, o‘ziga xos jihatlari to‘g‘risida qimmatli ma’lumotlar berishdi. 

– Ikki yildan beri “O‘zbekiston madaniy merosi – xalqlar va mamlakatlar o‘rtasida muloqotga yo‘l” xalqaro kongressida ishtirok etib kelyapman, – deydi I.Saviskiy nomidagi Qoraqalpog‘iston Davlat san’at muzeyi direktori Gulbahor Izentayeva. – Loyiha doirasida bizning muzeyimizga bag‘ishlangan kitob-albom ham chop etildi. O‘ylaymanki, bunday ilmiy anjumanlar biz, muzey xodimlari faoliyatida ham juda katta tajriba maktabi vazifasini o‘taydi. Dunyoning yirik muzeylari vakillari bilan uchrashamiz, ular bilan tajriba almashamiz. 

Shuningdek, anjumanda “O‘zbekiston madaniy merosi – dunyo to‘plamlarida” turkumidan chop etilgan “O‘zbekiston madaniy merosi Davlat din tarixi muzeyida”, “O‘zbekiston gilamchiligi: asrlarga tengdosh an’analar”, “O‘zbekiston madaniy merosi – O‘zbekiston Davlat San’at muzeyi to‘plamlarida”, “O‘zbekiston madaniy merosi – Germaniya muzeylarida” kitob-albomlarining hamda ushbu mavzuda suratga olingan hujjatli filmlarning taqdimoti o‘tkazildi.

Ayni paytga qadar “O‘zbekiston madaniy merosi dunyo to‘plamlarida” turkumidan o‘nta kitob chop etildi. Yana beshta kitob-albom chop etilish arafasida. “Zamon Press info” nashriyot uyida nashrga tayyorlangan bu kitoblar zamonaviy poligrafiya imkoniyatlari doirasida chop etilmoqda. 

–Buyuk o‘zbek shoiri Erkin Vohidov Vohidov “Tarixingdir ming asrlar. Ichra pinhon, o‘zbegim”, deganida naqadar haq edi, – deydi Turkiyadagi “Mega basin” nashriyot uyining bosh direktori Selim Kondu. – Chindan o‘zbek xalqining madaniy merosi turkiy xalqlar orasida o‘zining noyob va betakrorligi bilan ajralib turadi. Bu ulkan xazinaning dunyo miqyosidagi targ‘ibotida o‘z hissamizni qo‘shayotganimizdan benihoya mamnunmiz. Mazkur kitob-albomlar ham eng ilg‘or matbaa texnologiyalari, ham qo‘l mehnatidan foydalangan holda chop etilmoqda. Biz bunday keyin ham ushbu xayrli loyiha asosida hamkorlikni davom ettirish niyatidamiz. 

–Ayni paytda O‘zbekistonning Yaponiyadagi madaniy merosi durdonalariga bag‘ishlangan kitob-albom ustidagi ishlarimizni tugatish arafasidamiz, – deydi Yaponiyaning Sigaraki shahridagi Mixo muzeyi maxsus ilmiy xodimi Sergey Laptev. – Biz mazkur albomni yaratish jarayonidan Yaponiyaning o‘nta muzeyidagi eksponatlarni o‘rganib chiqdik. Kunchiqar o‘lkada saqlanayotgan O‘zbekistonga eng qadimiy artefaktlar VIII asrga borib taqaladi. Bu nodir topilmalar ayni paytda imperator saroyida saqlanadi va yapon xalqining milliy xazinasidan o‘rin olgan. Bu misollar Yaponiya va O‘zbekiston orasidagi madaniy aloqalar juda uzoq o‘tmishga borib taqalashini isbotlaydi. 

Eslatib o‘tamiz, Ikkinchi xalqaro kongress doirasida Sankt-Peterburgdagi Rossiya Etnografiya muzeyi, Kunstkamera, Din tarixi Davlat muzeyi, Rossiya Milliy kutubxonasida O‘zbekiston madaniy merosiga oid ko‘rgazmalar tashkil etilgan. “O‘zbekiston madaniy merosi – xalqlar va mamlakatlar o‘rtasida muloqotga yo‘l” Ikkinchi xalqaro kongressi bugun, 8-iyun kuni o‘z ishini yakunlaydi.

Mavzuga oid yangiliklar
Ernesto Ramires: O`zbekistoning o`z madaniy merosini o`rganish, saqlash va ommalashtirish borasidagi ishlari ko`plab mamlakatlar uchun namuna
O`zbekiston Respublikasi Prezidenti Shavkat Mirziyoyevning Fransiya Respublikasiga rasmiy tashrifi arafsida Parijda “Madaniy meros O`zbekiston va Fransiya o`rtasida ko`prik sifatida” mavzuida o ...
05.10.2018 / 18:28
Toshkentda oktyabr oyida VIII "TEFI-hamdoʻstlik» telefestivali boʻlib oʻtadi
Toshkentda 4 – 7-oktyabr kunlari MDH davlatlararo jamgʻarmasi, Oʻzbekiston milliy teleradiokompaniyasi va Oʻzbekiston elektron ommaviy axborot vositalari milliy assotsiatsiyasi koʻmagida Rossiya teleakademiyasi tomonidan VIII "TEFI-hamdoʻstlik ...
02.10.2018 / 09:44
Firdavs Abduxoliqov: "O`z boyliklarimizdan yetarlicha foydalana olmayapmiz!"
Kecha «Rossiya-Kultura» telekanalida I.V. Saviskiy nomidagi Davlat san`at muzeyi to`plamlarida saqlanayotgan avangard rasmlarning noyob kolleksiyasiga bag`ishlangan «Nukus. Noma`lum kolleksiya» ...
25.09.2018 / 18:06
Madaniy meros – O`zbekiston va Fransiya o`rtasidagi muloqot ko`prigi
Prezident Shavkat Mirziyoyevning Fransiyaga davlat tashrifi arafasida Parij shahrida “Madaniy meros – O`zbekiston va Fransiya o`rtasidagi muloqot ko`prigi” media-iventi bo`lib o`tdi. O ...
04.10.2018 / 10:22
Prezident Shavkat Mirziyoyevning davlat tashrifi arafasida Dehli shahrida “Oʻzbekiston-Hindiston: madaniyatlar muloqoti” media-iventi boʻlib oʻtdi
Oʻzbekiston Elektron ommaviy axborot vositalari milliy assotsiatsiyasi, mamlakatimizning Hindistondagi elchixonasi hamkorligi va “Eriell” kompaniyasi homiylik koʻmagida tashkil etilgan media ...
27.09.2018 / 09:17
Dehlida O`zbekiston madaniy merosiga bag`ishlangan kitoblar taqdimoti bo`lib o`tdi
O`zbekiston Respublikasi Prezidenti Shavkat Mirziyoevning Hindistonga davlat tashrifi arafasida Dehlidagi Lal Bahodur Shastri xotira majmuasida 10 tomlik “O`zbekiston madaniy merosi dunyo san`at xazinalarida&rdquo ...
24.09.2018 / 16:23